Böhran İdarəçiliyi üzrə Komissar Janez Lenarčič demişdir: "Aİ münaqişənin təsirinə məruz qalmış bütün mülki əhalini dəstəkləməyə davam edir. Biz əlavə humanitar yardım göndəririk. Döyüş əməliyyatlarının dayandırılmasını alqışlayıram, beləliklə insanların daha çox əziyyət çəkməsinə yol verilməyəcəkdir. Buna baxmayaraq, məcburi köçkün olan və koronavirus pandemiyasının təsiri ilə birlikdə sərt qış şəraiti ilə üzləşəcək həssas əhali qruplarının humanitar vəziyyətindən mən son dərəcə narahatam.”

Bu fövqəladə yardım Aİ-nin humanitar tərəfdaşlarına döyüşlərin təsirinə məruz qalmış tərəflərə ərzaq, qış əşyaları, tibbi-sanitar təminatı, tibbi avadanlıq daxil olmaqla əsas yardımın göstərilməsində və digər əsas təminat əşyalarını çatdırılmasında kömək edəcəkdir. Aİ-nın hər bir humanitar yardımı insanlıq, bitərəflik, qərəzsizlik və müstəqillik humanitar prinsiplərinə uyğun olaraq təmin edilir.

Ümumi məlumat

Bu yaxınlarda Ermənistanla Azərbaycan arasında sentyabrın 27-də başlayan hərbi qarşıdurma son 25 ildə münaqişənin ən ciddi şəkildə kəskinləşməsi halı oldu. Mülki infrastrukturun hədəf alınması və ya qadağan edilmiş klaster sursatlarının istifadəsi daxil olmaqla, Beynəlxalq Humanitar Qanunvericiliyin müxtəlif şəkildə pozulması halları bildirildi. Münaqişə səbəbindən bir çox mülki şəxs də daxil olmaqla yüzlərlə insan həyatını itirdi və minlərlə insan yaralandı. Altı həftə ərzində döyüş əməliyyatları yaşayış binalarına və məktəb, xəstəxana, yol və ya elektrik şəbəkələri daxil olmaqla yaşayış üçün mühüm infrastruktura ciddi ziyan vurdu və humanitar baxımdan uzunmüddətli nəticələrə səbəb oldu.  Qarşıdurmalar ağır artilleriya atəşi nəticəsində əhəmiyyətli sayda mülki əhalinin köçməsinə səbəb oldu. Aİ cavab tədbirini əlaqələndirmək üçün yerdəki humanitar tərəfdaşlarla mütəmadi əlaqə saxlayır.

Aİ Rusiyanın vasitəçiliyi ilə 9 noyabrda Ermənistan və Azərbaycan arasında razılaşdırılmış atəşkəsdən sonra hərbi əməliyyatların dayandırılmasını alqışlayır.

Hər iki tərəf atəşkəsə ciddi şəkildə riayət etməlidir.