Праз чатыры гады пасля cфальсіфікаваных прэзідэнцкіх выбараў 2020 года і жудаснага ўціску правоў чалавека ў Беларусі Еўрапейскі саюз, Злучаныя Штаты Амерыкі, Канада і Вялікабрытанія салідарныя з народам Беларусі, які, нягледзячы на ​​працяг рэпрэсій з боку рэжыма Лукашэнкі, мірна і мужна дамагаецца дэмакратычных пераменаў, павагі да правоў чалавека і вызвалення ўсіх палітычных зняволеных. Мы пацвярджаем, што санкцыі, аб якіх мы нядаўна абвясцілі, уяўляюць сабой скаардынаваныя шматбаковыя намаганні па павышэнню адказнасці рэжыма Лукашэнкі.

Мы заклікаем беларускія ўлады неадкладна і безумоўна вызваліць амаль 1400 палітычных зняволеных, якія знаходзяцца ў беларускіх турмах. Мы працягнем разглядаць нашыя варыянты, у тым ліку дадатковыя санкцыі, каб прыцягнуць да адказнасці тых, хто спрыяе падаўленню рэжымам Лукашэнкі дэмакратыі ў Беларусі. Мы таксама працягнем рабіць значныя крокі, каб выкрыць і спыніць паток важнай падтрымкі і кампанентаў праз Беларусь, якія падмацоўваюць несправакаваную вайну Расіі супраць Украіны, захоўваючы пры гэтым нашу падтрымку беларускага народа.