Од 2009 година, граѓаните на Северна Македонија кои поседуваат биометриски пасоши може да патуваат во земјите од Шенген зоната на ЕУ до 90 дена во период од шест месеци. 

На лицата кои планираат да работат во текот на краткиот престој или кои сакаат да останат подолго од 90 дена им се потребни и визи и работни дозволи. 

Еразмус+ е програма на Европската унија за образование, обука, млади и спорт. Таа им нуди на студентите, наставниците, стажантите и претпријатијата можности за студирање, работа, пракса и размена низ цела Европа. 

Во Еразмус +, Северна Македонија е рамноправна со земјите-членки на ЕУ. 

Новата Еразмус програма, што го опфаќа периодот 2021-2027 година, има буџет од 26,2 милијарди евра, во споредба со 14,7 милијарди евра за 2014-2020 година. Ова ќе биде надополнето со околу 2,2 милијарди евра од надворешните инструменти на ЕУ. 

Со овој зголемен буџет, Еразмус + ќе биде поинклузивна, подигитална и позелена. Исто така, ќе го вклучува и сегментот DiscoverEU, кој им нуди на 18-годишниците можност да добијат европска железничка карта за патување, да учат од другите култури и да се запознаат со други Европејци. 

Јуроп Хаус (поранешен ЕУ Инфо центар) е основан од Делегацијата на Европската Унија во Република Северна Македонија. Првиот Јуроп Хаус беше отворен во Скопје на 4 ноември 2018 година како простор за младите да се среќаваат, дружат и поврзуваат меѓусебе, поттикнувајќи иновативност, дебата, соработка и критичко мислење и промовирајќи ги вредностите на ЕУ. Во 2021 година, Јуроп Хаус добија Крива Паланка и Струмица, во 2023-та Битола и Велес, и во 2024 година Струга и Тетово, овозможувајќи им на младите претприемачи, иноватори и креативци да се среќаваат и да развиваат нови идеи на локално ниво.  

Контакт  

Адреса: Св. Кирил и Методиј 52Б, Скопје 

Маршал Тито 230, Крива Паланка 

Благој Мучето бб, Струмица 

Широк сокак 145 (Офицерски дом), Битола

8 Септември 86, Велес

Димче Ковачевски 1, Струга

Маршал Тито бб, Тетово

Телефон/факс: (+389 2) 3296363 

Мејл: [email protected]

Инфо мрежата на ЕУ се состои и од ЕУ инфо точки, кои постојат во десет други градови во земјата https://www.euhouse.mk/eu-info-network/, како и од три инфо центри лоцирани во Универзитетот Св. Кирил и Методиј во Скопје, Универзитетот на Југоисточна Европа во Тетово и Универзитетот Св. Климент Охридски во Битола.