Ծնվել է 1962 թվականին, ամուսնացած է, ունի երկու երեխա։

Իրավաբանական գիտությունների դոկտոր Մարկուս Ռիտերը՝ Հայաստանում Եվրոպական Միության առաքելության ղեկավարը, ոստիկանության ավագ սպա է, որը մեծ փորձ ունի թե՛ ազգային, թե՛ միջազգային մակարդակներում։ Գերմանական դաշնային ոստիկանությունում պրոֆեսիոնալ կարիերայի 27 տարիների ընթացքում նա մի շարք ղեկավար պաշտոններ է զբաղեցրել և՛ գործադիր, և՛ վարչական մակարդակներում։ Ի սկզբանե՝ 1997-1998 թվականներին, լինելով զանգվածային անկարգությունների դեմ պայքարի ոստիկանական գումարտակի հրամանատար՝ այնուհետև ղեկավարել է Դաշնային սահմանային ծառայության տարբեր ստորաբաժանումներ, որից հետո 2002-2004 թվականներին զբաղեցրել է Մայնի Ֆրանկֆուրտի օդանավակայանի Սահմանային ծառայության բաժնի փոխտնօրենի պաշտոնը։ Հաջորդ երկու տարիների ընթացքում՝ 2006-2007 թվականներին, զբաղեցնելով Կոբլենցի Դաշնային ոստիկանության կենտրոնական գրասենյակի Միջազգային ոստիկանության համագործակցության բաժանմունքի ղեկավարի պաշտոնը՝ 2008-2012 թվականներին եղել է Կայզերսլաուտերնի տարածքային Սահմանային ոստիկանության բաժնի ղեկավարը, իսկ 2014 թվականին որպես ավագ սպա ծառայել է Պոտսդամում՝ Դաշնային ոստիկանության կենտրոնական գրասենյակում։ 2014 թվականին Ռիտերը նշանակվել է Ֆրանկֆուրտի միջազգային օդանավակայանի Տարածքային դաշնային ոստիկանության վարչության փոխնախագահ, այնուհետև պաշտոնի բարձրացմամբ 2020 թվականին նշանակվել է Շտուտգարտի Տարածքային դաշնային ոստիկանության վարչության նախագահ՝ այս պաշտոնում մնալով մինչև 2023 թվականի փետրվար ամիսը։

Ավելին, Ռիտերը լայն փորձառություն է ձեռք բերել հինգ միջազգային տեղակայումների ընթացքում։

• 2004/2005 թթ. որպես ՄԱԿ-ի ժամանակավոր կառավարչության շտաբի պետ Կոսովոյում,
• 2007/2008 թթ. որպես ՄԱԿ-ի դիտորդական առաքելության շտաբի ղեկավար Վրաստանում,
• 2009-2011 թթ. որպես Գերմանական ոստիկանության նախագծային թիմի ղեկավար Աֆղանստանում,
• 2012/2013 թթ. որպես Եվրոպական միության ավիացիոն անվտանգության առաքելության պլանավորման և գործողությունների ղեկավար Ջուբայում, (Հարավային Սուդան),
• 2017-2019 թթ. որպես Եվրոպական միության խորհրդատվական առաքելության (EUAM) ղեկավար Բաղդադում (Իրաք),
• 2023 թվականի փետրվարին նշանակվել է Հայաստանում ԵՄ առաքելության ղեկավար:

Նրա ակադեմիական կրթությունը ներառում է․

• 1989-1994 թթ․ սովորել է իրավագիտություն Հայդելբերգի համալսարանում և ունի իրավագիտության մագիստրոսի կոչում (Իրավագիտության առաջին աստիճանի պետական քննություն),
• 1995-1996 թ․ եղել է Իրավաբանական գրասենյակային ծառայող Հայդելբեր­գի շրջանի դատարանում՝ Իրավագիտության երկրորդ աստիճանի պետական քննության համար (1996 թվական), և զուգահեռ սովորել է Ադմինիստրատիվ գիտությունների մագիստրատուրայում Շպեյերի Ադմինիստրատիվ գիտությունների գերմանական համալսարանում,
• 1996 թվականից ունի Ադմինիստրատիվ գիտությունների մագիստրոսի կոչում,
• 1999 թվականին ստացել է իրավաբանական գիտությունների դոկտորի կոչում Շպեյերի Ադմինիստրատիվ գիտությունների գերմանական համալսարանում։

Անցեք այս հղումով դոկտոր Մարկուս Ռիտերի վերաբերյալ կենսագրական տեղեկատվության PDF-ը նեռբեռնելու համար։

Հայաստանում ԵՄ առաքելության (ՀԵՄԱ) մամուլի և տեղեկատվության թիմ

[email protected]