ԵՄ Քաղաքացիական գործողությունների ղեկավար Ստեֆանո Տոմատը 2023 թվականի փետրվարի 20-21-ը այցելեց Հայաստան՝ Եղեգնաձորում ԵՄ առաքելության գրասենյակը գործարկելու նպատակով: Բացման արարողությունը համընկավ փետրվարի 20-ին ԵՄ Արտասահմանյան հարցերով խորհրդի՝ ընդունած որոշման հետ՝ Հայաստանում ԵՄ առաքելություն ստեղծելու։ Ստեֆանո Տոմատը հանդիպումներ է ունեցել վարչապետ Փաշինյանի, արտաքին գործերի նախարար Միրզոյանի և նրա տեղակալի, Ազգային անվտանգության խորհրդի քարտուղարի, ինչպես նաև Ազգային անվտանգության ծառայության տնօրենի ու սահմանապահ զորքերի հրամանատարի հետ։ ԵՄ Քաղաքացիական գործողությունների ղեկավարին բոլոր հանդիպումների ընթացքում ուղեկցել են Հայաստանում ԵՄ առաքելության նորանշանակ ղեկավար Մարկուս Ռիտերը և ԵԽ-ում ԵՄ պատվիրակության գործերի ժամանակավոր հավատարմատար Յան Պլեշինգերը։