Pas sulmit qyqar dhe burracak terrorist të kryer sot kundër policëve të Policisë së Kosovës, Përfaqësuesi i Lartë Josep Borrell foli me kryeministrin Albin Kurti.

Ai e dënoi agresionin e sotëm me shprehjet më të forta.

Përfaqësuesi i Lartë Borrell shprehu ngushëllimet e tij për familjen, kolegët dhe të afërmit e zyrtarit policor që humbi jetën në krye të detyrës dhe u uroi shërim të shpejtë zyrtarëve policorë të plagosur.

Përfaqësuesi i Lartë i ka telefonuar edhe presidentit Aleksandër Vuçiq.

Përfaqësuesi i Lartë Borrell përsëriti thirrjen e tij për sulmuesit që të dorëzohen menjëherë dhe t’i lirojnë besimtarët në Manastirin e Banjskës në mënyrë që ata të largohen të sigurt. Ai bëri thirrje për rivendosjen e qetësisë dhe stabilitetit.

EULEX-i, si reagues i dytë i sigurisë, po monitoron situatën në terren dhe është i gatshëm të mbështesë institucionet e Kosovës në ruajtjen e stabilitetit dhe sigurisë së të gjitha komuniteteve të saj, në përputhje me mandatin e vet dhe në koordinim të ngushtë me KFOR-in e NATO-s. Përfaqësuesi i Posaçëm i BE-së për Kosovën në terren është në kontakt të ngushtë me autoritetet.