25 noyabr 2024. Toshkent, O‘zbekiston. Yevropa Ittifoqining O‘zbekistondagi elchisi Toyvo Klaar janobi oliylari EU FOCUS FILM CAMP 2024 - yozgi  kino-oromgohning loyihasini final bosqichiga chiqqanlarga sertifikatlarni topshirish uchun  FOCUS kino va teatr maktabiga tashrif buyurdi. Sertifikatlar topshirilishidan oldin loyihaning final bosqichiga chiqqanlarning ba’zi ishlari namoyish etildi.

EU FOCUS FILM CAMP Kino-oromgohi – kino va teatr sohasida 100dan ortiq mavzularni jamlagan o‘smirlar uchun maxsus ishlab chiqilgan bepul ta’lim moduli hisoblanadi.

“Biz 2023 yilning yozida FOCUS kino va teatr maktabining loyihalaridan birini qo‘llash g‘oyasi maqsadida kino-oromgohi formatida hamkorlikni boshladik. EU-FOCUS FILM CAMP Kino-oromgohi kutganimizdan ham a’lo loyiha bo‘lib chiqdi. 2023 yilda kino-oromgohini yakunlaganlarning aksariyati kelgusida tahsil olishni qaror qildilar va shu yerda bir yildan ortiq ta’lim olishmoqda. Chuqurlashtirilgan “Kino-qozon” dasturi bo‘lgan yuqori malakali guruh ishtirokchilarini chin qalbimdan muborakbod etaman. Shuningdek, Kino-oromgohi 2024 finalchilarini jadal ta’limni muvaffaqiyat bilan yakunlaganliklari bilan qutlashdan xursandman”

- deya qayd etdi o‘zining ishtirokchilarga tabrik nutqida Yevropa Ittifoqi elchisi Toyvo Klaar janoblari.

EU in Uzbekistan

Kino-oromgohi finalchilarining filmlariga FOCUS badiiy kino rejissurasi va ssenariychilar ustaxonasi maktabi badiiy rahbari, O‘zbekiston xizmat ko‘rsatgan san’at arbobi, kinorejissor Zulfiqor Musoqov professional bahoni berdi:

“Men anchadan beri kino sohasidagi tayyorgarlik nima uchun bolalikdan emas, balki faqat Oliy o‘quv yurtiga kirishdan boshlanadi, degan savolni hayolimdan o‘tkazib kelardim. Bugun esa Toshkentda ilk marotaba aynan kino-bilimlariga kichik yoshdan boshlab mukammal ta’lim berayotgan mana shunday maktab tashkil etilishi imkoniyatidan juda ham xursand bo‘ldim. Bu juda ham muhim. Men chin qalbimdan bu bolalarni tabriklayman. Bugun men o‘zim uchun kashfiyot qildim. Ularning ishlari meni hayratda qoldirdi. Biron bir iltifotsiz maftun bo‘ldim. Meni  hatto ularning tayyorgarligi yaxshi ma’noda “cho‘chitib” qo‘ydi. Men ko‘rgan har bir film hanuz ko‘z oldimdan ketmayapdi. Ularning har biri - qimmatlidir. Uslubni his qilish, yuqori tasviriy madaniyat, tanlov qobiliyati. Mazkur o‘smirlarda did bor, did esa aynan kinematograf tarixi haqidagi chuqur bilimlar orqali tarbiyalanadi. Ularga nazar solar ekanman, kino kelajagi uchun xotirjamman”.

EU in Uzbekistan

2024 yilning yozida Oliy o‘quv yurtiga kirgan Kino-oromgoh 2023 loyihasining barcha finalchilari hozirda oliy o‘quv yurtlarining  talabalaridir. 2024 yilda EU FOCUS FILM CAMP kino-orom loyihasi o‘smirlarning ikki guruhi uchun (katta va boshlang‘ich) amalga oshirildi.

EU FOCUS FILM CAMP ikkinchi yildirki O‘zbekistonda Yevropa Kinofestivali doirasida amalga oshirilmoqda, festival joriy yilning noyabr oyi oxiriga rejalashtirilgan.

---

Yevropa Ittifoqining O‘zbekistondagi delegatsiyasini rasmiy kanali https://t.me/eu4uz

Toshkentdagi FOCUS  Kino va teatr maktabining rasmiy kanali https://t.me/focusfilmuz