Ýewropa Bileleşiginiň Merkezi Aziýa boýunça Ýörite wekili, Ilçi Teri Hakala Türkmenistana iş sapary bilen geldi.
2024-nji ýylyň 13-15-nji maýynda, Ýewropa Bileleşiginiň (ÝB) Merkezi Aziýa boýunça ýörite wekili, Ilçi Terhi Hakala, Türkmenistana resmi sapar gurady. Bu sapar ÝB bilen Türkmenistanyň arasyndaky häzirki hyzmatdaşlygyň ýagdaýyna göz aýlamagy we mundan beýleki hyzmatdaşlygyň yollary barada ara alyp maslahatlaşmagy maksat edinýän “Türkmenistanyň we Ýewropa Bileleşiginiň arasyndaky hyzmatdaşlygyň 30 ýyllygy: geljegiň hatyrasyna bilelikdäki işler” atly konferensiýasyna gabat geldi.
Sapary wagtynda ilçi Hakala dürli pudaklarda birnäçe ýokary derejeli duşuşyklar we gürrüňdeşlikler geçirdi. Ol Ministrler Kabinetiniň Başlygynyň Orunbasary, Daşary Işler Ministri Raşid Meredow, Bilim Ministri Baýramgül Orazdurdyýewa, şeýle hem Maliýe we Ykdysadyýet Ministri Serdar Joraýew bilen duşuşdy. Mundan başga-da, ilçi Hakala BMG-nyň Hemişelik utgaşdyryjysy Dmitriý Şlapaçenko, ÝHHG-niň Aşgabatdaky merkeziniň wekili Jon MakGregor, şeýle hem Amerikanyň Birleşen Ştatlarynyň, Beýik Britaniýanyň we Türkiýäniň ilçileri bilen duşuşdy.
European Union
14-nji maýda Ilçi Hakala Daşary Işler Ministrliginde geçirilen Ýewropa Bileleşigi we Türkmenistanyň arasyndaky gepleşikleri we hyzmatdaşlygy güýçlendirmek ugrundaky bilelikdäki konferensiýasyna gatnaşdy. Şeýle hem şol günüň dowamynda, Transport we Aragatnaşyk Gullugynda we Energetika Ministrliginde özara bähbitler boýunça gepleşikleri alyp bardy. Günüň soňunda, ilçi Hakalanyň Ýewropa güni mynasybetli Aşgabat şäherindäki “Berk” restoranynda geçirilen dabara gatnaşdy.
15-nji maýda ilçi Hakala DIM-niň Halkara Gatnaşyklar Institutynda ÝB-Merkezi Aziýa hyzmatdaşlygy barada leksiýa bilen çykyş etdi.
Ilçi Hakala Meredow bilen bolan duşuşygynda “ÝB we Merkezi Aziýadaky sebitleýin hyzmatdaşlygyň esasy hyzmatdaşy bolan Türkmenistana gelenime diýseň begenýärin. Ýewropa Gününiň dabaralaryna gatnaşmaga we sebit howpsuzlygy, energiýa, aragatnaşyk, durnukly ösüş we adam hukuklary ýaly dürli ugurlardaky giň hyzmatdaşlygymyzy has-da güýçlendirmek üçin türkmen hyzmatdaşlary bilen ara alyp maslahatlaşjakdygyma sabyrsyzlyk bilen garaşýaryn "-diýip nygtady.