Сиз эл аралык мамилелерге кызыккан жаш бүтүрүүчүсүзбү? Дипломатиялык миссиянын иши жана Европа Биримдигинин Кыргызстандагы өкүлчүлүгү Европа Биримдигинин кызыкчылыктарын жана баалуулуктарын кандайча коргоп жаткандыгы тууралуу көбүрөөк билгиңиз келеби?

Биз 2022-жылдын май айынан баштап, бюджет болгон шартта, ЕБ Өкүлчүлүгүнүн Кыргызстандагы бөлүмдөрүндө кеминде 3 айдан эң көбүндө 6 айга чейин стажировкадан өтүүнү сунуштайбыз.

1. 1. Саясат, басма сөз жана маалымат бөлүмү (PPI) ички жана тышкы саясаттын саясий маселелери, анын ичинде адам укуктары, ошондой эле ЕБ Өкүлчүлүгүнүн басма сөз жана медиа чөйрөсүндөгү ишин координациялоо үчүн жооп берет.
2. 2. Кызматташтык бөлүмү (COOP) Кыргызстан менен өнүктүрүү максатында кызматташуу программаларынын комплекстүү портфелин башкарат. 

Негизги милдеттер:

• Кыргызстандагы саясий жана экономикалык кырдаал боюнча, коопсуздук чөйрөсүндөгү ички жана тышкы окуялар боюнча мониторингди, талдоону жана отчеттуулукту жүргүзүү; изилдөөлөрдү жүргүзүү жана брифингдерди түзүү;
• Тышкы конференцияларга жана семинарларга, ошондой эле ЕБ Кыргызстандагы өкүлчүлүгүнүн ички жолугушууларына катышуу жана алар боюнча отчет түзүү;
• Басма сөз, маалымат жана элдик дипломатия жаатындагы иш-чараларды жана долбоорлорду жүргүзүү.

Кантип арыз тапшыруу керек?Талапкерлер mailto:[email protected] электрондук дарегине кайрылышы керек.

Төмөнкү документтерди тапшыруу керек:

• белгиленген Europass форматындагы (башка форматтагы резюме каралбайт) толук резюме (CV);
• стажировкага эмне үчүн катышууну каалай турганыңызды сүрөттөгөн коштомо кат;
• арыз формасы

Сураныч, темага кийинкини жазыңыз: Funded Traineeship – Толук аты-жөнүңүз/бөлүмдүн аты (сиз бир бөлүмдө 1 гана стажировкага тапшырсаңыз болот, бирок резюмеңиздин негизинде бөлүм сизге башка бөлүмдө стажировкадан өтүүнү сунушташы мүмкүн).

Арыз берүүдөн мурун таанышуу үчүн маанилүү маалымат

Арыз берүүдөн мурун, сиз атайын веб-сайтты, ошондой эле акы төлөнүүчү стажировкага өтүүнүн жалпы критерийлерин карап чыгышыңыз керек (ADMIN чечиминин 8-чи беренеси (2017)28 - Акы төлөнүүчү стажировка).

Тандалган ар бир стажер жашоо чыгымдарын жабуу үчүн ай сайын грант алат. Жашаган өлкөдө саякаттоо, виза, страховка, жашоо менен байланышкан бардык чыгымдарды стажер көтөрүшү керек.

Талапка жооп бербеген талапкерлердин арыздары каралбайт. Бардык арыздар баалангандан кийин, акыркы тизмеге кирген талапкерлер менен байланышып, алар маектешүүгө чакырылат. Тандоодон өтпөй калган талапкерлер электрондук почта аркылуу билдирүү жөнөтүлөт. Эгерде тандалган талапкер талап кылынган документтерди тапшыра албаса, анда анын талапкерлиги каралбайт.

Учурда Кыргызстанда жашабаган ЕБ талапкерлери пандемия коркунучунан жана репатриацияга кеткен чыгымдардан камсыздандырыла тургандыгын далилдеши керек.

Стажировка жергиликтүү мыйзамдарга, ошондой эле келип чыккан өлкөнүн мыйзамына ылайык гана сунушталышы мүмкүн. Арыздарды баалоодо COVID-19 кырдаалын жана анын кабыл алуучу өлкөгө кирүү мүмкүнчүлүктөрүнө тийгизген таасирин эске алуу зарыл, ошондуктан, кабыл алуучу өлкөдө жашаган талапкерлерге артыкчылык берилиши мүмкүн.

ЕБ Өкүлчүлүгү тандалып алынган талапкер штаб-квартира тарабынан жарамдуу экендиги тастыкталган күндө да, кабыл алуучу өлкөдө да, келип чыккан өлкөдө да COVID-19 жайылышынын өтө туруктуу эмес контекстинде стажировка кечиктирилиши, токтотулушу же жокко чыгарылышы мүмкүн экендигин маалымдайт. Тандалган талапкер кабыл алуучу өлкөгө келе албаса, ошол эле эрежелер колдонулат.