Дүниежүзілік тазалық күні және #EUBeachCleanup экологиялық науқаны аясында Еуропа, Америка, Азия, Африка елдері елшіліктерінің дипломаттары мен қызметкерлері, сондай-ақ БҰҰ-ның агенттіктері мен басқа да халықаралық ұйымдардың қызметкерлерін қоса алғанда, жалпы 150-ге жуық қатысушы Есіл өзенінің оң жағалауын түрлі қоқыстан тазартты.

Осы экологиялық іс-шараның нәтижесінде БҰҰ-ның Нью-Йорктегі кеңсесі және Астана арасында телекөпір ұйымдастырылды. Шара соңында қатысушылар флешмобқа қатысып, Қазақстан картасының формасын құрды: бұл бүкіл Қазақстанның осы шараға белсенді қатысқандығын көрсетті.