Հայաստան. Խորհուրդը երկու տարով երկարացնում է ԵՄ քաղաքացիական առաքելության մանդատը
Խորհուրդն այսօր ընդունեց՝ որոշում Հայաստանում Եվրոպական միության առաքելության (ՀԵՄԱ/EUMA) մանդատը ևս երկու տարով՝ մինչև 2027 թվականի փետրվարի 19-ը երկարաձգելու մասին, ընդ որում 2025 թվականի փետրվարի 20-ից մինչև 2027 թվականի փետրվարի 19-ը նախատեսված բյուջեն կկազմի ավելի քան 44 միլիոն եվրո։
ՀԵՄԱ-ն ԵՄ-ի կողմից տարածաշրջանում խաղաղության ու կայունության աջակցության ուղղությամբ ներդրվող ջանքերի կարևոր բաղադրիչ է։ Առաքելության հիմնական նպատակն է տեղում իրավիճակի դիտարկումն ու հաշվետվությունների պատրաստումը, հակամարտությունից տուժած շրջաններում մարդու անվտանգության ապահովումը, ինչպես նաև, հնարավորության դեպքում, Հայաստանի և Ադրբեջանի միջև վստահության ամրապնդմանն աջակցությունը։ Առաքելության մանդատային գործառույթները մնում են անփոփոխ՝ ՀԵՄԱ-ն եղել և շարունակում է մնալ անզեն քաղաքացիական առաքելություն։
Առաքելությունը, որը գլխավորում է դոկտոր Մարկուս Ռիթերը, ունի ավելի քան 200 աշխատակից, այդ թվում՝ միջազգային և տեղական անձնակազմ։ ՀԵՄԱ-ի դիտորդներն ու քաղաքացիական փորձագետները ներկայացնում են ԵՄ 25 անդամ պետություններն ու երրորդ մասնակցող երկիրը՝ Կանադան։ ՀԵՄԱ-ն հիմնադրվել է Խորհրդի որոշմամբ 2023 թվականի փետրվարի 20-ին, երբ այն նաև սկսել է իր գործառնական գործունեությունը։